PINASINAYAAN. Nasa larawan sina National Historical Commission Chairperson Dr. Ma. Serena I. Diokno (gitna),Deputy Chief of Mission and Political Counsellor Sun XiangYang (pangatlo mula sa kaliwa) at Deputy Director Chen Jun Feng ng The Memorial Hall of the Victims in Nanjing Massacre sa pagsisimula ng photo exhibit na tatagal hanggang sa ika-23 ng Hunyo.
PINASINAYAAN ang isang photo exhibit na nagpapakita ng mga pagpapahirap ng mga mananakop na Hapones noong Ikawalang Digmaang Pandaigdig, partikular sa Tsina, Taiwan, Pilipinas, Malaysia, Vietnam, Singapore at Indonesia.
Panauhing pandangal si G. Chen Jun Feng, Deputy Director ng "Memorial Hall of the Victims in Nanjing Massacre by Japanese Invaders" sa okasyon sa National Historical Institute kaninang umaga. Pinamunuan ni Dorian L. Chua, pangulo ng Tulay Foundation, Inc. ang palatuntunan sa pagsasabing angkop lamang na mabatid ng lahat ang masakit na pangyayari noong nakalipas na digmaan.
TEAM LEADER NG WA CHI 48th SQUADRON, DUMALO. Nagmamasid ang team leader ng Wa Chi Brigade na si Ginoong Wang sa mga larawang itinanghal sa photo exhibit. Sa edad na 90 taong gulang, maliwanag pa ang ala-ala ng digmaan kay Ginoong Wang.
Walang layuning buksang-muli ang mga naghilom nang sugat noong dekada kuwarenta bagkos ay matuto sa malalagim na pangyayari upang huwag nang maulit ito.
Sa kanyang mensahe, sinabi ni Dr. Maria Serena I. Diokno na hindi ng lahat na bahagi ng Kasaysayan ay masaya sapagkat ang malulungkot na kaganapan ay nagbibigay ng pagkakataon sa lahat upang gunatain at huwag nang ulitin pang mula ang malalagim na naganap.Sa panayam, sinabi ni G. Chua na nararapat mabatid ng lahat ang Kasaysayan upang magkaisa at huwag nang pabayaang maulit ang karumal-dumal na bahagi ng Ikalawang Digmaang Pandaigdig. Tampok sa photo exhibit ang may 260 mga larawang pinalaki mula sa loob at labas ng Pilipinas.
1 2 3 4
