Si Wu Yaqin (una sa kaliwa), isang community worker, habang naglilinis ng bumagsak na nyebe sa Changshan Garden community ng Lunsod ng Changchun, kabisera ng lalawigang Jilin sa hilagang silangang Tsina noong Marso 6, 2017.
Si Wu ay nanunungkulan bilang community worker sa loob ng 20 taon. Siya ay nahalal bilang delegado sa Ika-19 na Pambansang Kongreso ng CPC na idinaraos sa Beijing mula Oktubre 18 hanggang 24, 2017.
Sa loob ng isang taon, 2,287 delegado ang naihalal upang lumahok sa pambansang kongreso na ginaganap kada limang taon. Ayon sa panuntunan, ang bawat nominado ay dapat maging karapatdapat sa aspektong pulitikal, ideolohikal, may kapuri-puring pamumuhay, may kakayahang makipagtalakayan sa mga pambansang usapin at matagumpay sa kanilang trabaho.
Sa hanay ng mga napiling delegado, 771 sa kanila ay mula sa hanay ng produksyon at paggawa, na kinabibilangan ng mga manggagawa, magsasaka at teknisiyan na bumubuo ng 33.7% ng kabuuang bilang. Ito ay mas malaki ng 3.2% kumpara noong nakaraang limang taon.
Ang mga delegado ay di lang mula sa tradisyonal na mga industriya gaya ng paggawa, transportasyon, bakal at karbon, kundi maging sa sektor ng pinansyoa, Internet at mga organisasyong panglipunan.
Salin: Mac
Web-edit: Jade
