Jakarta, Indonesia—Binuksan Linggo, Nobyembre 26, 2017 ang Ika-14 na China Education Exhibition na itinaguyod ng Ministri ng Edukasyon ng Tsina. Dumalo sa seremonya ng pagbubukas si Liu Yandong, Pangalawang Premyer ng Tsina. Pinanguluhan din ni Liu ang ika-3 pulong ng mekanismo ng pagpapalitang kultural ng Tsina at Indonesia sa antas ng pangalawang punong ministro.
Kalahok sa eksibisyon ang 27 unibersidad mula sa mainland ng Tsina at Macao, na kinabibilangan ng Tsinghua University, Zhejiang University, Fudan University, Shanghai Jiao Tong University, University of Macao, Macao University of Science and Technology, City University of Macao at iba pa. Marami sa kanila ang magkakaloob ng scholarship para sa mga estudyanteng Indonesian.
Salin: Vera
