|
||||||||
|
||
Ayon sa isang ulat na inilabas ni Peter Humphrey sa pahayagang The Sunday Times ng Britanya, nakita di-umano ng isang 6 taong gulang na batang babae mula sa Christmas card na binili niya mula sa Tesco, ang mga katagang "kami ay mga dayuhang bihag sa Qingpu Prison ng Shanghai, Tsina, at sapilitan kaming pinatatrabaho. Pakitulungan kami, at ipaalam ito sa organisasyon ng karapatang pantao." Ang pangyayaring ito ay ikinober ng maraming kanluraning media na gaya ng British Broadcasting Corporation, Sky News at iba pa, at buong tikis nilang binatikos at dinungisan ang dangal ng Tsina.
Pero ayon sa eksklusibong panayam ng China Global Television Network (CGTN) ng China Media Group (CMG) sa Zhejiang Yunguang Printing Company, tagapagsuplay ng Tesco, walang anumang relasyong pang-negosyo ang kompanyang ito sa Qingpu Prison. Ayon naman sa nakasulat na pahayag ng Tesco, walang anumang ebidensya ang nagpapakitang lumabag sila sa tadhana ng pagbabawal sa paggamit ng mga manggagawa sa bilangguan ang tagapagsuplay.
Ipinahayag din ng Ministring Panlabas ng Tsina na hindi pinipilit na magtrabaho ang mga dayuhang bihag sa Qingpu Prison.
Sa katunayan, si Peter Humphrey ay inaresto minsan ng panig pulisya ng Tsina, dahil sa ilegal na paraan ng pagkuha ng mga impormasyon, at nakulong na sa Qingpu Prison. Pagkaraang lumabas sa bilangguan, madalas niyang siraan ang Tsina.
Nagbulag-bulagan ang mga kanluraning media sa katotohanan, at niyurakan ang dangal Tsina sa pamamagitan ng naturang pangyayari, at ito ay taliwas sa katapatang propesyonal. Ang ganitong kasuklam-suklam na paninirang-puri ay taliwas sa katotohanan. Ang mga kanluraning media ay welkam na magtungo sa Tsina upang malaman nila ang tunay na kalagayan ng bansa.
Salin: Vera
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |