|
||||||||
|
||
Unti-unting nagiging matatag at mabuti ang kalakalang panlabas ng Tsina noong unang hati ng 2020, ayon sa estadistika na isinapubliko Hulyo 14, 2020, ng General Administration of Customs ng Tsina.
Ipinakita nitong nagkakabisa ang pagsisikap ng pamahalaang Tsino sa pagpapatatag ng kalakalang panlabas.
Sa ilalim ng dobleng presyur ng pandemiya ng Coronavirus Disease 2019 (COVID-19) at balakid sa globalisasyon, hindi madali ang pagtatatag ng kalakalang panlabas ng Tsina. Sa isang dako, mabilis na tinugunan ng Tsina ang pandemiya ng COVID-19 sa loob ng bansa, at pinanumbalik ang pagpoprodyuse, pinataas din ang pag-luluwas. Sa kabilang dako, nadagdagan ng malaki ang pangangailangan sa mga paninda ng materyal ng pagpigil ng COVID-19, at "home-bound economy". Kasabay nito, pinapatingkad ng transnasyonal na e-commerce ang mahalagang papel. Bukod dito, nagkaroon ng benepisyo ang kalakalang panlabas mula sa patakaran ng pamahalaang Tsino.
Kumakalat ngayon ang COVID-19 sa buong mundo. Naging mahina ang kabuhayang pandaigdig, at umiiral pa rin ang mga di-matatag na elemento na kinakaharap ng Tsina, mahigpit pa rin ang kalagayan ng pagluluwas at pag-aangkat ng Tsina sa huling dako ng 2020.
Pero, ang mga estadistika ay lubos na nagpakita na di magbabago ang mabuting tunguhin ng kalakalang panlabas ng Tsina. Mayroong kakayahan ang Tsina na patatagin ang kalakalang panlabas, at patuloy na magbibigay ng ambag para sa pagpapasulong ng paglaki ng kabuhayang pandaigdig at globalisasyong pangkabuhayan.
Salin:Sarah
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |