Isa pa sa mga harding ipinagmamalaki ng Suzhou ay ang Lion Grove Garden o Shi Zi Lin Yuan. Kilala ang hardin na ito dahil sa higanteng grotto ng batong Taihu sa gitna ng hardin. Ang mga batong ito daw ay may hitsurang mga leon, kaya naman itinawag ang hardin na ito na Lion Grove Garden. At ito ay kasama sa listahan ng UNESCO World Heritage Site.
Ang harding ito ay naitayo noong 1342 sa kapanahunan ng dinastiyang Yuan ng isang monghe kasama ng isang grup ng mga disipulo ni Buddha bilang ala-ala sa kanilang master na si Zhongfeng. Ang pagmamay-ari sa harding ito ay lumipat ng hindi kokonteng beses sa kamay ng iba't ibang tauhan, nasira at naayos ng ilang ulit. Hanggang nabili ito ng pamilyang Bei noong 1917 at ibinigay sa gobyerno ng Tsina pagkatapos ng pambansang liberasyon at simula noo'y na-alagaan nang mabuti ang harding ito hanggang sa kasalukuyan.
May laking sampung libong metro kwadrado ang harding ito. Ang Lion Grove Garden ay nababagay bilang isang pasyalan dahil naglalaman ito ng mayayamang pabilyon sa iba't ibang istilo, at ang bawat isa ay may kwento at kasaysayan.
Samantala, ang pinakadinarayo pa ding lugar sa hardin na ito ay ang mga labyrinthine rockery na karamihan ay gawa sa limestone mula sa Taihu Lake sa syudad ng Wuxi ng Tsina. Maabilidad ang pagkakapatong at pagkakaayos sa mga batong ito na kung saan ay nagmukhang mga leon sa iba't ibang posisyon na may iba't ibang aktibidad, naglalaro, natutulog, sumasayaw at iba pa.
Back to Joshua's Blog
