Ipinahayag sa Beijing nitong Huwebes, Abril 28, 2016, ni dumadalaw na Ministrong Panlabas Vladimir Makei ng Belarus, na bilang isa sa mga kasaping bansa ng United Nations(UN), buong lakas na pangangalagaan ng Belarus ang Karta ng UN. Sinabi ni Makei na umaasa siyang malulutas ng mga may-direktang kinalamang panig ang isyu ng South China Sea, sa pamamagitan ng mapayapang diyalogo. Tinututulan aniya ng Belarus ang pakikialam sa nasabing isyu ng mga walang-kinalamang panig. Nananalig aniya siyang makakaya ng mga may-kinalamang panig na maayos at mapayapang lutasin ang naturang isyu.
Ipinahayag din ni Makei na suportado ng Belarus ang paninindigan ng Tsina sa isyu ng South China Sea, na inilahad ni Pangulong Xi Jinping sa seremonya ng pagbubukas ng ika-5 pulong ng mga Ministrong Panlabas ng Conference on Interaction and Confidence Building Measures in Asia (CICA). Ito aniya'y may mahalagang katuturan sa pangangalaga sa kapayapaan ng Asya at daigdig.
Si Makei ay nasa Beijing para sa nasabing pulong ng CICA.