|
||||||||
|
||
131206melom4a.m4a
|
KINONDENA ng Pilipinas ang walang katuturan at barbarong gawi ng mga terorista sa Yemen samantalang nanawagan sa pamahalaan na dakpin ang mga may kagagawan ng krimen samantalang humiling na tiyakin ang kaligtasan ng mga banyaga sa bansa.
Pitong Pilipino na kinabibilangan ng isang manggagamot ang nasawi sa pananalakay ng mga terorista sa Yemeni Defense Ministry Complex kahapon. Labing isa pa ang nasugatan at nasa ilalim ng trauma. Isa ang nasugatan sa ulo na kinailangang maoperahan. Ang mga biktima ay pawang naglilingkod sa isang pagamutan sa loob ng defense complex.
Ito ang ibinalita ni Assistant Secretary for Foreign Affairs Raul Hernandez na kumpirmado nina Philippine Ambassador to Saudi Arabia Ezzedin Tago at Honorary Consul sa Sana'a Mohammad Al-Jamal at isang civic leader na nakilala sa pangalang Esther Galahan.
Hindi muna ibinunyag ang mga pangalan ng nasawi hanggang hindi nababalitaan ng kanilang mga kamag-anak.
Dinala ang mga sugatan sa isang ligtas na pook. Nabawi na ng mga alagad ng pamahalaan ang complex na pinasok ng mga terrorista.
Dumalaw na ang Honorary Consul at si Bb. Galahan sa mga morgue upang alamin kung mayroon pang mga Pilipinong nasawi. Nakikipagtulungan na rin ang embahada sa mga opisyal ng Yemen upang matiyak ang kaligtasan ng mga Pilipino sa bansa at inaalam pa rin nila ang iba pang detalyes.
Ipadadala ni Ambassador Tago si Vice Consul Redentor Genotiva sa Sana'a sa pinakamadaling panahon upang matulungan ang mga biktima an mabatid ang situwasyon. Tutulong din siyang madali ang paguuwi ng mga labi ng mga biktima.
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |