CMG at mga media partner nito sa Europa, palalakasin ang kooperasyon

Palalakasin ng China Media Group (CMG) at mga media partner nito sa Europa ang kooperasyon.

 

Saad ito sa magkasanib na pahayag ng 2020 European Media Partners Cooperation Online Forum na idinaos ngayong araw, Huwebes, ika-10 ng Disyembre 2020, sa pagtataguyod ng CMG.

 

Kalahok sa porum ang CMG at 25 media organization mula sa 16 na bansang Europeo na gaya ng Reuters, Class Editori S.p.A., Euronews, European News Exchange, at iba pa.

 

Iniharap ni Shen Haixiong, President at Editor-in-Chief ng CMG, ang tatlong mungkahi tungkol sa pagpapalakas ng kooperasyon ng CMG at mga media ng Europa, na kinabibilangan ng pagpapalalim ng kooperasyon sa pagkober sa paglaban sa pandemiya ng Coronavirus Disease 2019 (COVID-19), pagpapasulong ng pagpapalagayan ng mga tauhan sa pagitan ng mga media organization, at pagtatatag ng mekanismong pangkooperasyon.

 

Salin: Liu Kai