Xi Jinping, nagpa-abot ng pagbati sa Araw ng Kalayaan ng Sri Lanka

Nagpadala nitong Huwebes, Pebrero 4, 2021 ng mensahe si Pangulong Xi Jinping ng Tsina sa kanyang Sri Lankan counterpart na si Gotha Baya Rajapaksa, bilang pagbati sa ika-73 Anibersaryo ng Kalayaan ng Sri Lanka.
 

Tinukoy ni Xi na sa harap ng hamon ng pandemiya ng Coronavirus Disease 2019 (COVID-19), umuunlad ang bilateral na relasyon ng dalawang bansa, at tuluy-tuloy na lumalakas ang pagtitiwalaang pulitikal. Kasabay nito, lumalalim nang lumalalim ang tradisyonal na pagkakaibigan, at may bagong progreso ang kooperasyon sa Belt and Road.
 

Nakahanda aniya siyang magsikap, kasama ni Pangulong Rajapaksa, para palawakin at palalimin ang pagpapalitan at pagtutulungan ng dalawang bansa sa iba’t ibang larangan, at pasulungin ang estratehiko’t kooperatibong partnership ng kapuwa panig sa bagong antas.
 

Salin: Vera