Ika-4 na Sesyon ng Ika-13 Pambansang Komite ng CPPCC, ipininid

Great Hall of the People, Beijing - Ipininid ngayong hapon, Marso 10, 2021, ang Ika-4 na Sesyon ng Ika-13 Pambansang Komite ng Pulitikal na Konsultatibong Kapulungan ng Mamamayang Tsino (CPPCC), kataas-taasang organong tagapayo ng Tsina.

Dumalo rito si Pangulong Xi Jinping at iba pang lider ng Tsina.

 

Bumigkas ng talumpati sa pulong si Wang Yang, Tagapangulo ng Pambansang Komite ng CPPCC.

 

Inaprobahan din sa pulong ang resolusyon hinggil sa ulat ng mga gawain ng Pirmihang Lupon ng Pambansang Komite ng CPPCC; resolusyon ng ulat kaugnay ng paghawak sa proposal ng mga miyembro ng CPPCC sa nakaraang taunang sesyon; resolusyon ng pagsusuri sa mga bagong proposal; at resolusyong pulitikal sa kasalukuyang sesyon.

 

Salin:Sarah

Pulido:Rhio