China International Consumer Products Expo, binuksan sa Hainan

Haikou, Lalawigang Hainan ng Tsina—Binuksan nitong Huwebes ng gabi, Mayo 6, 2021 ang kauna-unahang China International Consumer Products Expo.

Ang pagtataguyod ng Tsina ng ganitong ekspo ay nagkakaloob ng isang plataporma para sa pagtatanghal at transaksyon ng mga de-kalidad na consumer product ng daigdig, at kalahok dito ang halos 1,500 kompanyang Tsino’t dayuhan.
 

Sa seremonya ng pagbubukas, inihayag ng maraming personaheng dayuhan na kinabibilangan nina Punong Ministro Prayut Chan-o-cha ng Thailand at Presidente Guy Parmelin ng Swiss Confederation ang pananabik na palalalimin ang kooperasyon sa Tsina, at magkakasamang ibabahagi ang pagkakataon sa pamilihang Tsino.
 

Bibisita sa nasabing ekspo ang halos 50 diplomata mula sa 21 bansa na kinabibilangan ng Switzerland, United Arab Emirates, Indonesia, Pransya at iba pa.
 

Salin: Vera
 

Pulido: Mac