Kalakalan ng serbisyo ng Tsina, lumago ng 3.3% mula noong Enero hanggang Abril

Ayon sa datos na inilabas nitong Huwebes, Hunyo 3, 2021 ng Ministri ng Komersyo ng Tsina, mula noong Enero hanggang Abril ng taong ito, mahigit 1.56 trilyong yuan RMB  (mga $US 245.21 bilyong dolyares) ang kabuuang halaga ng kalakalan ng serbisyo ng Tsina, at ito ay lumaki ng 3.3% kumpara sa gayun ding panahon ng tinalikdang taon.
 

Kabilang dito, mga 746.21 bilyong yuan ang pagluluwas ng serbisyo, na lumaki ng 23.2%; samantalang mga 818.24 bilyong yuan naman ang pag-aangkat ng serbisyo, na bumaba ng 10%.
 

Pinakamabilis ang paglaki ng kalakalan sa tatlong larangang kinabibilangan ng serbisyong pinansyal, transportasyon, at insurance. Bukod dito, may pagtaas ang proporsyon ng kalakalan sa knowledge-intensive services.
 

Salin: Vera
 

Pulido: Rhio