Cross Border E-Commerce: bagong puwersang tagapagpasulong ng pag-unlad ng kalakalang panlabas ng Tsina

Ayon sa datos na inilabas kamakailan ng Pangkalahatang Administrasyon ng Adwana ng Tsina, noong 2020, umabot sa 1.69 trilyong yuan RMB ang halaga ng pagluluwas at pag-aangkat ng Tsina sa pamamagitan ng cross border e-commerce, at ang halagang ito ay lumaki ng 31.1% kumpara sa halaga noong 2019.

 

Ipinakikita nitong ang cross border e-commerce ay nagiging bagong puwersang tagapagpasulong sa de-kalidad na pag-unlad ng kalakalang panlabas ng Tsina.

 

Ayon pa rin sa datos, hanggang noong katapusan ng 2020, umabot sa 105 ang bilang ng mga pilot zone ng cross border e-commerce sa Tsina.

 

Samantala, noong Marso ng taong ito, idinaos ang kauna-unahang China Cross Border E-Commerce Trade Fair, na nilahukan ng 2,363 kompanya at 33 cross border e-commerce platform mula sa buong daigdig.

 

Lumampas naman sa 3.5 bilyong dolyares ang halaga ng mga panukalang transaksyong narating sa peryang ito.

Salin:Sarah

Pulido:Frank