Ngayong araw, Oktubre 1, 2021 ay ika-72 anibersaryo ng pagkakatatag ng Republika ng Bayan ng Tsina.
Bilang pagdiriwang sa okaysong ito, idinaos sa Beijing, kabisera ng bansa, ang seremonya ng pagtataas ng watawat na pinanood ng mga mamamayan ng iba’t-ibang nasyonalidad mula sa iba’t-ibang lugar ng bansa.
Noong unang araw ng Oktubre 1949, ganap na alas-3:00 ng hapon solemnang idineklara ni Mao Zedong, dating pinakamataas na lider at tagapagtatag ng Republika ng Bayan ng Tsina, ang pagbuo sa pamahalaang sentral, na sinundan ng maringal na paradang militar.
Dahil dito, itinakda ang Oktubre 1, 1949 bilang Pambansang Araw ng Republika ng Bayan ng Tsina.
Bunga ng pagkakatatag ng republika, lubos na nabigyang-wakas ang semi-kolonyal at semi-pyudal na kasaysayan ng lumang Tsina, lubos na nabiyang-wakas ang pagkakawatak-watak ng lumang Tsina, lubos na nabigyang-wakas ang mga di-pantay na kasunduang puwersahang ipinataw ng mga “Nangungunang Kapangyarihan” at lahat ng kanilang prebilehiyo sa Tsina, naisakatuparan ang matatag na unipikasyon ng buong Tsina at naisulong ang walang-katulad na pagkakaisa ng iba’t-ibang nasyonalidad ng bansa.
Mula sa panahong iyon, totoong tumindig ang mga mamamayang Tsino.
Napasakamay nila ang kapalaran ng pag-unlad ng sariling bansa, at pumasok sa bagong kabanata ang pag-ahon ng Nasyong Tsino.
Sa loob ng 72 taon, natamo ng Tsina ang napakalaki at makasaysayang transpormasyon, at umahon ang Tsina mula sa karalitaan.
Noong taong 1952, 67.9 bilyong yuan RMB ($USD10.5 bilyon) lamang ang Kabuuang Halaga ng Produksyong Panloob (GDP) ng Tsina, at $USD100 pababa ang per capita GDP.
Sa ngayon, umabot nasa 101.6 na trilyong yuan RMB ($USD15.77 trilyon) ang GDP ng Tsina, at lampas sa $USD10,000 ang per capita GDP ng bansa noong 2020.
Ayon sa Pambansang Kawanihan ng Estadistika ng Tsina, ang bansa ng siya ngayong ikalawang pinakamalaking ekonomiya sa buong daigdig na nakakapagbigay ng mahigit 30% paglaki ng kabuhayang pandaigdig,
Bukod dito, napakalaking pag-unlad at pagbabago sa buhay ng mga karaniwang mamamayang Tsino ang naipatupad.
Bunga ng polisya ng reporma at pagbubukas sa labas mula taong 1978 hanggang 2020, halos 7.7 milyong mamamayan ang umahon mula sa karalitaan.
Samantala, mahigit 4 na milyong mamamayang Tsino ang umakyat sa middle-income group, at walang-patid na lumalaki ang bilang na ito, bagay na nakakapagbigay ng napakalaking merkado sa bansa.
Salin: Lito
Pulido: Rhio
Photo Courtesy: VCG / CGTN