4 na kahilingan, iniharap ng Tsina sa Amerika tungkol sa relasyong Sino-Amerikano

Sa kanyang talumpati Hunyo 12, 2022 sa Ika-19 na Shangri-La Dialogue sa Singapore, ipinahayag ni Wei Fenghe, Kasangguni ng Estado at Ministro ng Tanggulang Bansa ng Tsina, na kasalukuyang nasa mahalagang yugto ang relasyong Sino-Amerikano.

Ipinalalagay aniya ng panig Tsino na ang matatag na pag-unlad ng relasyong ito ay angkop sa komong kapakanan ng dalawang bansa at buong daigdig.

Ani Wei, bilang mahalagang malaking bansa sa daigdig, ang mapayapang pag-unlad ng daigdig ay hindi maihihiwalay sa kooperasyong Sino-Amerikano.

Walang anumang kabutihang maidudulot ang komprontasyon ng  dalawang bansa sa buong mundo, saad niya.

Iniharap din ni Wei ang 4 na kahilingan sa panig Amerikano na kinabibilangan ng una, huwag atakehin at dungisan ang Tsina; ikalawa, huwag pigilin ang pag-unlad ng Tsina; ikatlo, huwag panghimasukan ang mga suliraning panloob ng Tsina; ikaapat, huwag pinsalain ang kapakanan ng Tsina.

Diin niya, upang mapabuti ang relasyong Sino-Amerikano, dapat isagawa ng panig Amerikano ang naturang 4 na kahilingan.

Salin: Lito

Pulido: Rhio