Shenzhou-15, dumaong sa Istasyong Pangkalawakan ng Tsina: 6 na taikonaut, nasa istasyon

Inanunsyo, Nobyembre 30, 2022 ng China Manned Space Agency (CMSA) na makaraang mabilis at independiyenteng dumaong ang Shenzhou-15 sa Istasyong Pangkalawakan ng Tsina, pumasok sa Tianhe core module ang tatlong tripulante nito.

Dagdag ng CMSA, sa susunod ay isasagawa ng mga tripulante ng Shenzhou-14 at Shenzhou-15 ang kauna-unahang paghalili’t pagsasalin ng tungkulin habang nasa orbita.

Magkasama mananatili sa istasyong pangkalawakan ang 6 na taikonaut sa loob ng halos 5 araw, para kumpletuhin ang iba’t-ibang nakatakdang tungkulin at kaukulang gawain, dagdag ng CMSA.

Salin: Vera

Pulido: Rhio