Mas maraming may kapansanan sa Tsina, aktibong sumasali sa palakasan ng yelo’t niyebe

Ipininid Linggo, Pebrero 20, 2022 ang Beijing 2022 Winter Olympics.
 

Sa malapit na hinaharap, idaraos ang Beijing Winter Paralympics, mula Marso 4 hanggang Marso 13, sa lunsod Beijing at Zhangjiakou.
 

Samantala, pormal na mabubuo ngayong araw ang delegasyong Tsino sa Winter Paralympics.

Sa nagdaang Paralimpiyada na ginanap sa Pyeongchang noong 2018, nakuha ng Tsina ang kauna-unahan nitong ginto sa kasaysayan ng Paralimpiyada sa pamamagitan ng pagkakampeon ng koponan ng Tsina sa Wheelchair Curling.
 

Buong pananabik na inaasahang ipapamalas ng mga may kapansanang atleta ng Tsina ang kani-kanilang lakas-loob sa gaganaping Paralympiyada.
 

Salin: Vera
 

Pulido: Rhio