Apoy ng Beijing Winter Paralympic Games, sinindihan

Idinaos nitong Lunes, Pebrero 28, 2022 sa Stoke Mandeville Stadium ng Buckinghamshire sa dakong Hilaga ng London ang seremonya ng pagsisindi ng apoy ng Beijing Winter Paralympic Games.

Ang Stoke Mandeville ay lugar kung saan itinaguyod ang kauna-unahang Paralympic games sa kasaysayan noong 1948.

Bukod sa Stoke Mandeville, idaraos din sa Miyerkules, Marso 2, 2022 ang iba pang mga seremonya sa mga lugar ng Beijing, Yanqing at Zhangjiakou para sindihan ang 8 apoy ng Paralympic games.

Idaraos din sa Miyerkules, Marso 2, 2022 sa Temple of Heaven sa Beijing ang seremonya ng pagsasama ng naturang 9 na apoy sa opisyal na apoy ng Beijing Winter Paralympic Games.

Mula ika-2 hanggang ika-4 ng Marso, idaraos ang aktibidad ng paghahatid ng opisyal na apoy ng paralimpiyada sa Beijing, Yanqing at Zhangjiakou.

Salin: Ernest

Pulido: Mac