Tsina sa Amerika: Ang pagdadawit sa Tsina sa isyu ng Ukraine ay “kasuklam-suklam at malisyoso”

Ayon sa dalawang artikulong inilabas kamakailan ng New York Times, isang ayaw-magpakilalang opisyal Amerikano ang nagsabing di-umano’y maagang alam ng Tsina ang planong militar ng Rusya sa Ukraine.

 

Kaugnay nito, ipinahayag nitong Marso 9, 2022, ni Zhao Lijian, Tagapagsalita ng Ministring Panlabas ng Tsina, na ikinakalat ng Amerika ang pekeng impormasyon, at ang layon nito’y isabit ang Tsina sa komprontasyon upang matamo ang pulitikal na benepisyo.

Kasuklam-suklam at malisyoso ang gawaing ito, diin ni Zhao.

 

Aniya, ipinagwawalang-bahala ng Amerika ang sarili nitong responsibilidad, ngunit binabatikos nito ang paninindigan ng Tsina sa isyung may kinlaman sa Ukraine.

 

Maliwanag na ito ay para “sugpuin ang kapuwa Tsina at Rusya,” at pangalagaan ang hegemonya ng Amerika.

 

Salin:Sarah

Pulido:Rhio