Pagluluwas at pag-aangkat ng Tsina sa unang 10 buwan ng 2024, matatag sa kabuuan

Ayon sa datos na inilabas Nobyembre 7, 2024, ng General Administration of Customs (GAC) ng Tsina, umabot sa higit 36 trilyong yuan RMB ang kabuuang halaga ng pagluluwas at pag-aangkat ng bansa sa unang 10 buwan ng 2024, na lumaki ng 5.2% kumpara sa gayunding panahon ng tinalikdang taon.

Kabilang dito, nasa higit 15.2 trilyong yuan RMB ang pag-aangkat ng Tsina na lumaki ng 3.2% kumpara sa gayunding panahon ng 2023.

Samantala, higit 16.9 trilyong yuan RMB naman ang pagluluwas at pag-aangkat ng Tsina sa mga bansang kalahok sa “Belt and Road Initiative (BRI),” na lumaki ng 6.2% kumpara sa gayunding panahon ng tinalikdang taon.

Sa kabilang dako, higit 5.6 trilyong yuan RMB ang pagluluwas at pag-aangkat ng Tsina sa Association of Southeast Asian Nations (ASEAN), pinakamalaking trade partner ng bansa.

Ito ay lumaki ito ng 8.8% kumpara sa nakaraang taon.

Ang pagluluwas at pag-aangkat ng Tsina sa ibang miyembro ng Regional Comprehensive Economic Partnership (RCEP) ay lumaki ng 4.3%; at 4.5% ang itinaas ng pagluluwas at pag-aangkat ng Tsina sa ibang miyembro ng BRICS.

Salin:Sarah

Pulido:Rhio Lito