Ayon sa media ng Amerika, ipinahayag kamakailan ni Michael Melham, alkalde ng Belleville, estadong New Jersey ng Amerika, na siya sy nahawahan ng coronavirus noong Nobyembre ng nagdaang taon. Ayon naman sa nakuhang pinakahuling resulta ng pagsusuri ni Melham, taglay niya ang coronavirus antibody. Ngunit ayon sa naunang balita, lumitaw sa Amerika ang unang kumpirmadong kaso ng COVID-19 noong huling dako ng nagdaang Enero.
Si Michael Melham, alkalde ng Belleville, estadong New Jersey ng Amerika
Diin ni Melham, noong panahong iyon, napakagrabe ng kanyang kalagayan, at hindi pa siya kailanman nagkakaroon ng ganitong grabeng influenza. Aniya, nanatili na sa mahabang panahon ang corona virus antibody sa kanyang katawan. Nitong ilang buwang nakalipas, naglakbay siya tanging sa Puerto Rico lamang at mag-isang nanirahan doon mismo sa panahong iyon, aniya pa.
Ipinalalagay niya na ang maraming naunang grabeng influenza cases ay posibleng COVID-19. Ang maraming taong nakasalamuha niya ay magkasakit noong Nobyembre at Disyembre ng nagdaang taon at malubha ang kanilang kondisyon, ani Melham.
Ipinahayag pa niya sa mediang lokal ang kanyang pag-asang magkakaroon ang mas maraming tao ng virus test. Nananawagan din siya sa mga gumaling ng sa sakit na COVID-19 na mag-abuloy ng kanilang blood plasma para tulungan ang mga iba pang maysakit.
Nagulat ang maraming tao sa naturang impormasyon. Dahil hanggang noong katapusan ng nagdaang Enero, ini-ulat lang ng Amerika ang unang kumpirmadong kaso ng COVID-19 na atrasado ng mahigit dalawang buwan kaysa panahong nahawa si Melham ng novel coronavirus.
Salin: Lito
