Isang nars na Tsino na kaisa sa pagpigil at pagkontrol sa Coronavirus Disease 2019 (COVID-19) sa Wuhan, pinakaapektadong lunsod sa Tsina, ang sumulat ng isang liham kay Pangulong Donald Trump ng Amerika.
Sa liham, ang nars na nakatalaga sa respiratory department ay nagbahagi ng kwento ng Wuhan sa gitna ng epidemya, at nagpahayag ng pakikiramay sa mga mamamayang Amerikano na malubhang apektado dahil sa virus.
Ayon sa pinakahuling real-time tally ng Johns Hopkins University ngayong araw, 2,448 ang naitalang bagong nasawing Amerikano sa nagdaang 24 na oras at pumalo naman sa 75,543 ang kabuuang bilang ng mga nasawi sa Amerika.
Sa sulat, binalik-tanaw ng nars ang araw kung kailan 42,000 tauhang medikal ang umalis ng sariling mga tahanan at pumunta sa Wuhan. "Sa bisperas ng Chinese New Year, na tulad ng bisperas ng Pasko sa Amerika, nagpaalam kami sa pamilya at tumulak sa Wuhan nang walang pag-aatubili," saad ng liham.
Anang nars, hindi mahubad ng mga tauhang medikal ang kanilang pamprotektang kasuotan dahil sa kakulangan ng mga materyales na medikal.
"Pareho ang damdamin ko nang makita kong ginagamit ng mga medikong Amerikano ang plastic bags bilang pamprotektang kasuotan," sabi ng nars, "Nasasaktan ang puso ko nang makitang iyak nang iyak ang mga naulilang pamilya ng mga medikong Amerikano."
Sa Wuhan, buong sikap na ginagamot ang lahat ng mga pasyente na kinabibilangan ng 108 taong gulang na matanda at kapapanganak lamang sa loob ng 30 oras na sanggol. "Ikinagagalak ko po ring makitang mas maraming may-sakit ang magaling at umalis ng ospital," sabi ng nars.
Bilang panapos, sinabi ng nars na, "Ito ang karanasan ko sa Wuhan. Pakiabot din po ang aking pagpupugay sa mga medikong Amerikano sa frontline, at pinakamagandang hangarin para sa mga mamamayang Amerikano. "
Salin: Jade
Pulido: Mac
