Binati Martes, Hulyo 7, 2020 ni Pangulong Xi Jinping ng Tsina si Luis Abinader sa kanyang pagtatagumpay sa halalang pampanguluhan ng Dominican Republic.
Sa kanyang mensaheng pambati, tinukoy ni Xi na nitong nakalipas na mahigit dalawang taon sapul nang itatag ang relasyong diplomatiko ng dalawang bansa, sa ilalim ng magkasamang pagsisikap ng kapuwa panig, mabilis na umuunlad ang relasyon ng Tsina at Dominican Republic, unti-unting lumalakas ang pagtitiwalaang pulitikal, at mabungang mabunga ang pragmatikong kooperasyon nila sa iba't ibang larangan.
Saad ni Xi, lubos na pinahahalagahan niya ang pag-unlad ng relasyon ng dalawang bansa, at nakahandang magsikap, kasama ni Pangulong Abinader, upang mapalalim ang mapagkaibigang pagpapalitan at pagtutulungan ng kapuwa panig, mapasulong ang pagtatamo ng relasyong Sino-Dominican ng mas malaking pag-unlad, at ihatid ang mas maraming benepisyo sa dalawang bansa at kanilang mga mamamayan.
Salin: Vera