Ngayong araw, Agosto 6, 2020, ay deadline ng ekstensyon ng visa ng mga mamamahayag na Tsino sa Amerika. Isinumite na ng mga mamamahayag na Tsino ang aplikasyon ng ekstensyon ng bisa sa Amerika, pero hanggang ngayon, walang anumang maliwanag na tugon mula sa panig Amerikano. Sinabi ito ngayong araw ni Wang Wenbin, Tagapagsalita ng Ministring Panlabas ng Tsina sa regular na presscon sa Beijing.
Binigyan-diin din niya na kamakailan, walang humpay na pinapalakas ng Amerika ang pulitikal na pagpigil sa mediang Tsino dahil sa ideya ng Cold War at may pagkiling na ideolohiya ng Amerika. Ang kinauukulang aksyon ng Amerika ay malubhang humadlang sa normal na trabaho ng mediang Tsino sa Amerika, at nakapinsala ng reputasyon nila. Dapat isabalikat ng Amerika ang lahat ng responsibilidad para sa kasalukuyang kalagayan. Dapat agarang iwasto ng Amerika ang kamalian at itigil ang aksyong tulad nito. Kung hindi, isasagawa ng Tsina ang kinakailangang countermeasures para pangalagaan ang sariling makatwirang kapakanan.
Noong Mayo 8, 2020, pinaikli ng Amerika ang bilang ng araw ng bisa ng mga mamamahayag na Tsino sa Amerika sa 90 araw, at hiniling sa mga mediang Tsino na mag-apply ng ekstensyon ng bisa kada 3 buwan.
Salin:Sarah
