|
||||||||
|
||
Ang Agosto, 26, ay Ika-40 anibersaryo ng pagkakatatag ng Espesyal na Sonang Ekonomiko ng Shenzhen.
Mula isang maralita at maliit na nayon, sa kasalukuyang masiglang internasyonal na lunsod; mula sa Gross Domestic Product (GDP) na mas mababa sa 200 milyong yuan RMB, sa kasalukyang 2.7 trilyong yuan RMB - iyan ang lunsod ng Shenzhen, lalawigang Guangdong, sa dakong timogsilangan ng Tsina.
Tulad ng komentaryo ng "The Economist", propesyonal na magasing pang-ekonomiya ng Britanya, "Ang tagumpay ng Shenzhen ay modelo ng pagsulong ng mahigit 4,000 espesyal na sonang pang-ekonomiko sa buong daigdig. "
Ano ang lihim ng pag-unlad ng Shenzhen?
Ang patakaran ng Tsina sa reporma at pagbubukas sa daigdig ay ang simula ng "pag-usbong ng Shenzhen."
Nitong nakaraang 40 taon, itinatag ng Shenzhen ang pundamental na framework ng socialist market economy system, na nagdulot ng pagkalat ng market economy sa buong Tsina.
Dagdag pa riyan, nagsilbi rin bilang lakas-panulak sa pag-unlad ng lunsod ang inobasyon sa siyensiya at teknolohiya.
Noong 2000, maagang isinakatuparan ng Shenzhen ang pagbabago ng industriya na nagpabuti sa larangan ng kalakalan at industriya ng high-tech.
Sa kasalukuyan, naitayo na sa lunsod ang mahigit 46 libong 5G base station, na nasa unang puwesto sa buong daigdig.
Bukod dito, nitong 40 taong nakalipas, palagiang isinusulong ng Shenzhen ang bukas na pakikitungo, na nagdulot ng pagkakataon para sa pag-unlad ng buong daigdig.
Nasa unang puwesto sa buong Tsina ang kabuuang halaga ng pagluluwas at pag-aangkat sa Shenzhen mula noong 1993.
Sa ibayong dagat, tinutularan ng ibang mga bansa ang matagumpay na karanasan ng Shenzhen, na tulad ng Espesyal na Sonang Ekonomiko ng Sihanoukville sa Myanmar, Espesyal na Sonang Ekonomiko ng Bagamoyo ng Tanzania at iba pa.
Kasabay ng pagsalimuotng kalagayang pandaigdig dahil sa pandemiya ng Corona Vorus Disease 2019 (COVID-19); dumami rin ang mga elemento ng kawalang katatagan, pero, sa kabila nito, walang humpay na nagsikap ang Shenzhen, para lumikha ng bagong himala ng pag-unlad, at magdulot ng mas maraming pagkakataon para sa buong daigdig.
Salin:Sarah
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |