Nur Sultan — Sa kanyang pakikipatgtagpo nitong Sabado, Setyembre 12, 2020 kay Pangulong Kassym-Jomart Tokayev ng Kazakhstan, ipinahayag ni Wang Yi, Kasangguni ng Estado at Minstrong Panlabas ng Tsina, na sa mahabang panahon, matatag na umuunld ang relasyon ng Tsina at Kazakhstan.
Aniya, naitatag nina Pangulong Xi Jinping at Pangulong Kassym-Jomart Tokayev ang mataas na lebel na pagtitiwalaan at malalim na pagkakaibigan, at magkasama nilang ipinatalastas ang pagpapataas ng relasyon ng daalwang bansa sa pangmalayuang komprehensibo't estratehikong partnership, bagay na nagpasimula ng bagong historikal na yugto sa relasyon ng dalawang bansa.
Sinabi ni Wang na hinahangaan ng panig Tsino ang natamong malaking tagumpay ng Kazakhstan sa pakikibaka laban sa pandemiya ng COVID-19. Nakahanda aniya ang panig Tsino na patuloy na magkaloob sa abot ng makakaya, ng pagkatig sa usaping ito.
Ipinahayag naman ni Kassym-Jomart Tokayev ang pasasalamat sa ibinibigay na tulong at pagkatig ng panig Tsino sa paglaban ng kanyang bansa sa pandemiya. Umaasa aniya siyang mapapalalim pa ng dalawang bansa ang kooperasyon sa pagsubok-yari ng bakuna.
Ipinahayag din niya ang kahandaang ng Kazakhstan na magsikap kasama ng Tsina para mapalalim ang pragmatikong kooperasyon sa iba't-ibang larangan, at makapaghatid ng mas maraming benepisyo sa mga mamamayan ng dalawang bansa. Kahit anong pagbabago ang mangyari sa situwasyong pagdaigdig, matatag na tinututulan ng Kazakhstan ang panghihimasok sa suliraning panloob ng iba, diin pa niya.
Salin: Lito
