May bagong consul general ang Pilipinas sa Shanghai. Dumalaw sa financial hub ang team ng Mga Pinoy sa Tsina para makilala si Consul General Wilfredo Cuyugan.
Sinimulan ni Consul General ang kanyang misyon sa Shanghai nitong Marso, 2014
Napanood ng team ng Mga Pinoy sa Tsina ang Voices of Gratitude tribute concert na balita namin ay isang buwan lang nilang pinaghandaan ng konsulado kasama ang mga miyembro ng Filipino Community at ng Philippine Soong Qing Ling Foundationa. Sa kabila ng maikling panahon ng pagpaplano, ang aktibidad at matagumpay na naidaos. Ito'y well attended at well applauded.
Sina Andrea Wu, Consul General Wilfredo Cuyugan at Machelle Ramos sa kanyang tanggapan sa Philippine Consulate General sa Shanghai
Sa pamamagitan ng Voices of Gratitude, muling pinatunayan na ang musika ay walang hanggahan gayun din ang pagkakaibigan. At sa pamamagitan ng pagtatanghal na ito, hangad ng mga organizers na ang pagkakaibigan sa pagitan ng mga Pilipino at Tsino ay yayabong din at malalampasan ang anu mang hanggahan
Mga miyembro ng Loboc Children's Choir na nagpahayag ng kasiyahan sa mainit na pagtanggap ng mga taga-Shanghai sa kanilang pagtatanghal
Sa one-on-one interview ng Mga Pinoy sa Tsina, alamin kung paano naghanda si Consul General Wilfredo Cuyugan sa kanyang bagong katungkulan at ano ang mga proyektong nakahanay para isulong ang people-to-people exchanges sa mga Pinoy at Tsino.
Pakinggan ang buong panayam sa pamamagitan ng audio link sa itaas. Para sa maalwang pakikinig siguruhing gumagana ang latest version ng Flash Player sa inyong browser. Para sa iba pang kwento ng OFWs dito sa Tsina punta na sa website na filipino.cri.cn. Mapapakinggan din ang programang ito sa iTunes Podcast, hanapin lang ang Kape't Tsaa. Para makuha ang updates ng mga programa i-Like ang Facebook page na CRI Filipino Service.
