China-ASEAN Friendship Concert II

Sa episode ngayon gabi, patuloy na ibabahagi natin ang mga pagtatanghal sa 2015 China-ASEAN Friendship Concert. Mga mang-aawit mula sa 10 bansang ASEAN at Tsina ang lumahok at nagtanghal dito. Bilang Philippine participant, ang 17 gulang na si Aldrich Lloyd Talonding ay kumanta ng "Anak" ni Freddie Aguilar.

Pagkaraan ng pagtatanghal, buong-pusong ipinagmalaki ni Embahador Erlinda F. Basilio ng Pilipinas si Talonding bilang Philippine representative. Ani Basilio, "napakagaling ng kanyang boses at napakaganda ng kanyang bersyon ng komposisyon ni Freddie Aguilar." Pakinggan natin muna ang pagkanta ni Talonding ng "Anak."

"Anak"

Ang 2015 China-ASEAN Friendship Concert ay may temang "Our Region, Our Song." Kalahok sa konsiyerto ang 10 mang-aawit mula sa mga bansang ASEAN at 10 mang-aawit mula sa Tsina. Sa panayam, ipinahayag din ni Basilio ang paghanga sa ipinakitang talento ng mga performing artists ng ASEAN at Tsina. Aniya, makikita sa mga awit na itinanghal ang mga komong temang nasa kultura, emosyon at kagawian ng mga mamamayan ng mga bansang ASEAN at Tsina. Sa nakaraang episode, narinig na natin ang "Anak Durhaka" na inawit ni Sri Nazrina mula sa Brunei at "Autumn" mula kay Ma Chanpanha ng Kambodya. Ngayon, pakinggan naman natin ang isang awit ng Indonesya "True Love" na inawit ni Bunga Citra Lestari.

"True Love"

Mayroon ding mga kilalang mang-aawit na Tsino sa nasabing concert, at noong nakaraang episode, nanirig na natin ang mga awit mula kina Wang Li at Bei Bei. Ngayon, narito si Wang Sulong na kumanta ng "The Growth Ring."

" The Growth Ring "

Mula sa China, magpunta naman tayo sa Laos. Narito si Kai Overdance na umawit ng "Champa Flower."

"Champa Flower"

Ang Chinese singer na si Yu Kewei ay naging kilala sa Tsina dahil sa talent show na "Super Voice of China." Ngayon, pakinggan natin ang pagkanta niya ng "The Velvet Flower of Glory."

"The Velvet Flower of Glory"

Ang mga Malaysiano, tulad din ng mga Pilipino ay mahilig magpalipad ng saranggola dahil ito'y isang nakakatuwang gawain. Kaya naman, isang folk song ang nilikha para rito. Pakinggan po natin si Asmidar Ahmad mula sa Malaysia sa kanyang pag-awit ng "Wau Bulan."

"Wau Bulan"

Sa puntong ito, kailangan na po nating pansamantalang magpaalam. Sa susunod na linggo, itutuloy po natin ang pagpaparinig sa inyo ng mga awit mula sa 2015 China-ASEAN Friendship Concert.