Tradisyonal na instrumentong Tsino:Suona

Mga kaibigan, para sa gabing ito, tungkol sa isa na namang instrumentong Tsino ang aming ibabahagi sa inyo. Ito ang Suona.

Chinese Painting hinggil sa Suona

Sa totoo lang, ang Suona ay hindi talaga naimbento sa Tsina. Ang orhinal na inventor ng Suona ay Persian. Noong mga 3rd century AD, ito ay naipakilala sa Tsina. Pero, pagkaraan ng 1,800 taong pagunlad, ang Suona ay naging integral na bahagi ng sining Tsino.

Sa proseso ng pagpapaunlad, ang Suona ay nagkaroon ng maraming iba't ibang hugis, mahabang Suona, maliit na Suona, Key Suona at iba pa, pero, hindi nagbago ang pinakamahalagang katangian nito: malakas at mataas na tono.

Ang mga magsasaka sa Shaanxi, naglalaro ng Suona

Sa Tsina, malawak ang lugar kung saan naging popular ang Suona, mula hilaga hanggang timog. Malawakan ding ginamit ang Suona sa iba't ibang okasyon. Sa mga kasalan, libing, sakripisyal na aktibidad, pagtatanghal sa kalye, at marami pang iba. Ang unang musikang ibabahagi namin sa inyo ay ginagamit sa kasalan; at ang pamagat nito ay "Carrying the Bridal Sedan Chair." Ayon sa tradisyonal na kagawian ng kasalang Tsino, dapat ipadala ng pamilya ng lalaki ang napakagandang kulay pulang bridal sedan chair sa bahay ng babae, at ang babae ay pupunta sa bahay ng lalaki sakay ng upuang ito. Ang upuan ay papasanin ng 2 batang lalaki. Pero para sa mayamang pamiliya, ang upuan ay pinapasan ng 8 katao. Ang "Carrying the Bridal Sedan Chair" ay musika na tinutugtog kasabay ng pagpunta ng babae sa bahay ng lalaki, sakay ng pulang bridal sedan chair.

Suona sa tradisyonal na Chinese Wedding

Sa Tsina, mas popular ang Suona sa mga ordinaryong tao. Ito ay napakahalagang instrumento sa folk music ng Tsina, partikular na sa mga hilagang lalawigang kinabibilangan ng Hebei, Shandong at iba pa. Maliwanag ang tono ng Suona kaya madalas itong ginagamit ng mga tao sa mga pestibal. Ang "Open the Door" ay isang musika ng Suona na naglalarawan ng pestibal ng mga mamamayang Tsino. Makinis ang tono, masaya ang mood, at ito'y nagpapakita ng ng pagbati sa isa't isa ng mga tao sa tuwing pestibal.

Siyempre, bukod sa masayang musika, maaaring ipakita rin ng Suona ang malungkot na emosyon. Ang last song na ibabahagi namin ngayong gabi ay isang musika, na nagpapakita ng mood ng isang taong name-miss ang kanyang lupang tinubuan.Tulad nito, "The Homesick."