Mga sigalot at trahedya, nagpapahirap sa mga manggagawa
ILO DIRECTOR KHALID HASSAN. Ang mga sigalot at trahedya, malaking dagok sa mga manggagawa. (Larawan ni Melo Acuna)
NANINIWALA si Director Khalid Hassan ng International Labor Organization na nagdudulot ng matinding hirap ang mga sigalot at trahedya sa mga manggagawa. Ito ang buod ng kanyang talumpati sa simula ng pagpupulong ng may 20 mga lider ng mga union mula sa 14 na bansa sa Asia – Pacific Region kaninang umaga.
Kailangang maghari ang kapayapaan sapagkat malaking tulong ang mga ito sa pagbabawas ng panganib ng mga sagupaan. Mahalaga rin ang papel na ginagampanan ng mga union sa iba't ibang bansa.
Hindi umano madaling unawain ang tindi ng hirap ng mga manggagawa kung mayroong mga armadong labanan at matitinding panahon tulad ng malalakas na bagyo, lindol at tagtuyot.
Sa oras na magkagulo o magkatrahedya, napipinsala ang mga pagawaan o pinaglilingkurang mga bahay kalakal ng mga manggagwa, tumataas ang bilang ng mg walang hanapbuhay, nagkakahiwalay ang mga miyembro ng pamilya at napipilitang lumisan mula sa kanilang mga tinitirhan. Apektado rin ang mga union sapagkat hindi madaragdagan ang kanilang mga kasapi. Wala ring katiyakan ang kita ng mga manggagawa.
Ipinaliwanag niyang sa oras ng trahedya at mga sagupaan, hindi mula ipinatutupad ang mga angkop na batas sa paggawa. Napipilitan ding magtrabaho ang mga kabataan samantalang napupwersa naman ang mga mamamayang magtrabaho kahit kakarampot ang sahod.
1 2 3
