Kani-kanina lang ay nakatanggap ako ng tawag sa telepono mula sa Qingdao. Ang tinig sa kabilang linya ay kay Girlie Hidalgo--Filipino English.

Kasalukuyang nagliliwaliw ngayon sa Qingdao si Girlie kasama ang boyfriend. Tumawag siya hindi lamang para mangumusta kundi para rin ilarawan sa mga tagapakinig ang ilang tanawin sa lunsod at anyayahan silang bisitahin ang tinaguriang "coastal resort" na ito. Sabi niya kung ihahambing sa Beijing mas humid daw ang klima ng Qingdao at ideal na ideal daw ang lugar na ito para sa summer holiday...

Bukod sa Qingdao Port na may mahabang kasaysayang ang mga ito ang pinuntahan nila. Binisita rin aniya nila ang Laoshan, Lu Xun Park at Zhongshan Park.

Alam niyo nakapunta na ako sa Qingdao at lahat ng mga lugar na nabisita nina Girlie ay napuntahan ko at pawang nag-iwan sa akin ng malalim na impression. Kaya, kung maglalakbay kayo sa Tsina lalo na kung summer, inire-rekomenda namin ang Qingdao para sa inyong itinerary. Talagang bagay na bagay ito para sa relaxation.