Napag-alaman kamakailan ng koresponsal mula s a Komite ng Pag-oorganisa ng Beijing Olympic Games na sapul nang simulan ang gawain sa pagbebenta ng tiket, interesadong interesado ang madla sa loob ng bansa at umabot sa kasukdulan ang pagreserba ng mga tiket para sa Olympic Games.

Si Mr. Guo Jiang na ipinanganak dito sa Beijing ay isang empleyado ngayon sa isang kompanyng dayuhan. Hangad niyang makapanood sa seremonya ng pagbubukas ng Beijing Olympic Games. Kaya nang malaman niyang puwede nang magpareserba ng tiket para sa Beijing Olympic Games, dali-dali siyang nagpatala sa pamamagitan ng website ng Beijing Olympic Games at nag-aplay ng pagreserba ng tiket.

"Katutubong Beijing ako. Pinananabikan kong makapanood sa seremonya ng pgbubukas ng Olympic Games. Yayamang malapit sa sariling tahanan iyon gaganapin. Nang ipabatid ng komite ng pag-oorganisa ng Olympic Games na maaaring magpareserba ng tiket sa website, nagkataong wala ako sa Beijing, kaya nagsadya ako sa isang web bar para magpatala. Yayamang talagang pinakamimithi kong makita ko mismo ang seremonya ng pagbubukas ng Olympic Games."

Sa mahigit 600 aytem ng tiket, pinkamarami ang nagpareserba ng tiket sa seremonya ng pagbubukas ng Beijing Olympic Games. Sapagkat iyon ang tanda ng pambungad ng Beijing Olynpic Games. At isang maringal na pagtatanghal na minsan lamang mapapanood bawat 4 na taon.

Kagaya ni Mr. Guo ang maraming taong naghahangad na makapanood mismo sa lugar na pagdarausan ng seremonya ng pagbubukas. Nagdulot sa kanya ng malaking kaluwagan ang porma ng pagreserba ng tiket sa pamamagitan ng website.