Ang mga liham na bibigyang-daan natin ngayong gabi ay padala nina Kris Sagun ng New Territories, Hong Kong at Techie Villareal ng West Coast Way, Singapore.

Sabi ni Kris sa kanyang liham:

Dear Kuya Ramon,

Sana nasa mabuti kayong kalagayan.

Ako, heto, surviving. Nakakaraos naman sa araw-araw.

Malaking-malaki na ang pagkakaiba ng Filipino Service ngayon at noon. Noong dekada 90, basta nagbabalita lang kayo sa Tagalog tapos puro English na. Noon, walang SMS at phone calls, snail mail lang; ngayon, puwede pa kaming makipagteks sa inyo at para rin tayong textmates na nagsasagutan at kung meron kaming tanong, kaagad ninyong nasasagot sa pamamagitan ng cellphone o e-mail. At ngayon, mas lalo pang naging close ang dating Seksiyong Filipino sa mga listeners.

By the way, magdiriwang kayo ng Araw na Pambansa sa Oktubre 1. Meron ba kayong holiday? Dapat siguro mag-holiday kayo, go somewhere, para mas lalo ninyong ma-enjoy ang mga biyayang dumating sa bansa since i-adopt nito ang reform at opening to the outside world. Since then, lumago na nang lumago ang pambansang kabuhayan at ito pa ngayon ang humihila sa kabuhayan ng maraming Asian at African countries. Congrats and best wishes.

Napakinggan ko iyong episode ng Friday program mo na patungkol sa made in China. Tama ang sabi ng inyong mga tagapakinig, marami lamang naninira sa mga produkto ng Tsina kasi nasasapawan ang kanilang mga paninda sa market. Kung may problema ang mga produktong ito, hindi ito tatangkilikin ng masang mamimili. Hindi kapani-paniwala ang kanilang negative remarks.

Pero ano man ang sabihin nila, stick pa rin ako sa Filipino Service ninyo.

Always,
Kris Sagun
New Territories, H. K.

Thank you, Kris, sa iyong sulat at sa pagtataguyod mo sa aming mga programa. Hihintayin namin ang mga susunod mong sulat, ha?

Ngayon, tunghayan naman natin ang mga mensaheng pambati ng ating textmates.

Mula sa 001 971 634 6895: "Hindi makukumpleto ang araw namin hangga't hindi namin naipaparating sa inyo ang aming "Maligayang Pambansang Araw!" More power at mabuhay sa China at CRI!

Mula naman sa 919 648 1939: "Sa okasyon ng Pambansang Araw ng China, dasal ko na magpatuloy ang bansa sa pananagumpay nito sa iba't ibang larangan at sana magpatuloy ito sa pagpapa-ambon ng suwerte sa kaniyang mga kapitbansa!"

At mula naman sa 0090 533 232 3137: "Dear Kuya Ramon, sana magkaroon kayo ng fruitful days ahead of you. Ito lang ang wish ko sa okasyon ng pagdiriwang ninyo ng National Day!"

Ngayon, tingnan naman natin kung ano ang sinasabi ng liham ni Techie, Techie Villareal. Sabi ng sulat:

Dear Kuya Ramon,

Happy National Day sa inyo.

Nakakalungkot na recently ko lang natuklasan ang inyong programang Tagalog. Matagal na akong nakikinig sa CRI pero sa English Department. Ang transmission nila ay hindi talaga para sa mga Pilipino lang. Iyon ay para sa buong Asia-Pacific. Pilipinong-Pilipino ang dating ng sa inyo. "Piling-pili na pinung-pino pa" sabi nga ng isang nakikinig. Very intimate at accomodating kayo sa listeners. Sayang, ba't ngayon ko lang na-discover ito?

Binati ko kayo ng "Happy National Day" sa unahan ng sulat. Hindi ko makakalimutan ang araw na ito. Marami nang National Days ang nagdaan mula nang makinig ako sa CRI (iyun nga lang English Service sa simula).

Itong particular National Day na ito ay maraming kahulugan sa China at Chinese people at sa world community. Pero para sa akin, ito ay Celebration of good harvest. Mataas na GDP at per capita income. Kahit bumubulusok ang ekonomiya ng mundo, patuloy pa rin sa pag-angat ang economy ng China. Ang mga bagay na ito ang dapat ipag-celebrate bukod sa pagkakatatag ng Republika. Nakikipagsaya ako sa inyo siyempre dahil bahagi na rin ako ng CRI lalo ngayong na-discover ko ang Tagalog Service ninyo.

Tinututukan ko na ngayon ang lahat ng inyong mga programa lalo na ang inyong Dear Seksiyong Filipino at Gabi ng Musika. Ano ang laban nila dito?

Mabuhay kayo!

Techie Villareal
West Coast Way
Singapore

Maraming-maraming salamat, Techie, sa iyong liham. Sana hindi ka magsawa ng pakikinig at pagsulat sa amin. Ingat kang lagi, ha?

Bago ako magpaalam, babasahin ko muna ang maikling e-mail ni Manuela ng Makati (si Manny). Sabi ng e-mail: "Kuya Ramon, ngayon pa lang (kasi ipinadala niya ito one week earlier kaya sinabi niyang ngayon pa lang) binabati ko na kayo ng Happy National Day. Enjoy lang kayo at siguruhin ninyo na mag-e-enjoy kayo dahil meron kayong "big K" na mag-celebrate. Alalahaning mabilis na umuunlad ang China at maganda ang status nito sa world community."

Salamat sa iyo, Manny.

Hanggang diyan na lang ang oras natin para sa gabing ito. Maraming salamat sa inyong pakikinig. Itong muli si Ramon Jr. na nagpapaalam at nagpapaalalang ang kabutihan ay ipinapasa, hindi ibinabalik.