Kaninang ika-4:30 ng hapon, nakipag-usap sa telepono si pangulong Hu Jintao ng Tsina kina Fei Junlong at Nie Haisheng, dalawang astronaut ng Shenzhou VI manned spacecraft ng bansa.

Sa pag-uusap, unang-una na, kinumusta ni Hu ang dalawa at kaugnay ng kasalukuyang paglipad, sinabi niya sa kanila na,

"Nang malaman ko na mabuti ang inyong kalagayan at walang problema ang iba't ibang eksperimento, lubos na natuwa ako. Ang matagumpay na paglulunsad ng Shenzhou VI manned spacecraft ay palatandaang nakagawa ng isa pang mahalagang hakbang ang manned space program ng Tsina. Bilang mga astranout sa spacecraft, nagbigay kayo ng namumukod na ambag at ipinagmamalaki kayo ng inangbayan at mga mamamayang Tsino. Umaasa ako na matagumpay na maisasagawa ninyo ang inyong misyon at pinananabikan ng inangbayan at mga mamamayan ang inyong pagbabalik."