Ipininid kaninang hapon sa Nanning, lunsod sa timog kanluran ng Tsina ang ika-3 China ASEAN Expo o CAEXPO. Sa kasalukuyang ekspo, masigla ang mga mangangalakal ng Tsina at mga bansang ASEAN sa paglalagda sa mga kasunduan at kontrata at umabot sa mahigit 1.2 bilyong Dolyares ang kabuuang halaga ng transaksyon na lumaki ng 10.2% kumpara sa nagdaang ekspo.

Inilahad ni Li Jinzao, pangalawang direktor ng lupong tagapag-organisa ng CAEXPO at pangalawang tagapangulo ng Rehiyong Awtonomo ng Guangxi, na sa kasalukuyang ekspo, nilagdaan ang 132 pandaigdig na proyekto ng kooperasyong pangkabuhayan na nagkakahalaga ng mahigit 5.8 bilyong Dolyares.