Ipinahayag dito sa Beijing ngayong araw ni premyer Wen Jiabao ng Tsina ang kanyang pag-asang mapapawi ng darating na pagdalaw niya sa Hapon sa susunod na buwan ang hadlang sa relasyong Sino-Hapones, at maitatatag ang isang kayariang may pangmalayuang katatagan, malusog na kaunlaran at pangkaibigang kooperasyon ng Tsina at Hapon.
Winika ito ni Wen nang makipagtagpo sa mga mamamahayag na Tsino at dayuhan pagkatapos ng pagpipinid ng taunang sesyon ng Pambansang Kongresong Bayan ng Tsina.
Ipinahayag ni Wen na sa panahon ng pagdalaw na ito, mararating nila ni punong ministro Abe Shinzo ng Hapon ang komong palagay hinggil sa pagtatatag ng estratehikong relasyong may mutuwal na kapakinabangan ng Tsina at Hapon, itatatag ang mekanismo ng kooperasyong pangkabuhayan ng dalawang bansa at pasusulungin ang pagpapalitan ng siyensiya't teknolohiya at edukasyon at pag-uugnayan ng mga tauhan, lalung lalo na ng mga kabataan.
|