Inulit ngayong araw dito sa Beijing ni premiyer Wen Jiabao ng Tsina na hindi magbabago ang paninindigan ng kaniyang bansa sa mapayapang paggamit ng kalawakan. Kasabay nito, nanawagan din siya sa mga may kinalamang bansa na lumagda sa mga dokumentong may kinalaman sa mapayapang paggamit ng kalawakan sa lalong madaling panhon.

Winika ito ni Wen sa preskon pagkaraan ng taunang sesyon ng Pambansang Kongresong Bayan ng Tsina sa taong ito.

Ipinahayag pa ni Wen na nananangan ang kaniyang bansa na tumahak sa lanadas ng mapayapang pag-unlad. Ang patakaran ng tangggulan nito anya ay para lamang sa pagtatanggol at ang limitadong lakas na militar nito ay ganap na para sa pangangalaga ng seguridad, pagsasarili at soberanya ng bansa.