|
Isiniwalat ngayong araw ni Tian Yixiang, opisyal ng Security Command Center for 2008 Olympic Games, na ang mga tropang panlupa, pandagat at panghimpapawid ng People's Liberation Army o PLA ng Tsina ay komprehensibong lalahok sa gawain ng paggarantiya sa seguridad ng Beijing Olympic Games sa taong 2008.
Ipinahayag ni Tian na ang paglahok ng tropa sa gawain ng paggarantiya sa seguridad ng Olympic Games ay regular na paraan ng daigdig at angkop sa Konstitusyon ng Tsina at mga kombensyong pandaigdig. Sinabi rin niya na isasabalikat ng PLA, pangunahin na, ang tungkulin ng pagharap sa mga banta sa di-tradisyonal na larangan at tutulong sila sa mga pulis at armadong pulis sa pagpigil at pagbibigay-dagok sa mga teroristikong aksyon.
|
