Si Hu Jintao, Pangkalahatang Kalihim ng Komite Sentral ng CPC at puno ng Central Military Commission ng CPC

Idinaos dito sa Beijing ngayong araw ang unang sesyong plenaryo ng ika-17 Komite Sentral ng Partido Komunista ng Tsina o CPC na kung saan nahalal ang bagong literado ng partido. Nanunungkulan si Hu Jintao bilang Pangkalahatang Kalihim ng Komite Sentral ng CPC at puno ng Central Military Commission ng CPC.

Ang bagong halal na pirmihang kagawad ng Pulitburo ng CPC ay kinabibilangan nina Hu Jintao, Wu Bangguo, Wen Jiabao, Jia Qinglin, Li Changchun, Xi Jinping, Li Keqiang, He Guoqiang at Zhou Yongkang.

9 pirmihang kagawad ng Pulitburo ng CPC

Nahalal din ang mga bagong miyembro at mga panghaliling miyembro ng Pulitburo ng Komite Sentral ng CPC, mga miyembro ng Sekretaryat ng Komite Sentral ng CPC at gayundin ang mga miyembro ng Central Military Commission ng CPC.

Pagkaraan ng nasabing sesyong plenaryo, nakipagtagpo sa mga mamamayag mula sa loob at labas ng Tsina ang nabanggit na siyam na bagong halal na pirmihang kagawad ng Pulitburo ng Komite Sentral ng CPC. Sinabi ni Hu na buong-higpit na makikipagkaisa at aasa ang bagong liderado ng partido sa sambayanang Tsino para buong-tatag na tupdin ang mga misyon na itinakda sa katatapos na ika-17 Pambansang Kongreso. Ipinahayag din niya ang kanyang pananalig na sa ilalim ng diwa ng katatapos na pulong, makakalikha ang mga mamamayang Tsino ng higit pang magadang hinaharap at makapagbibigay ang nasyong Tsino ng higit pang malaking ambag para sa kapayapaan at kaunlaran ng sangkatauhan.