Ipinahayag dito sa Beijing ngayong araw ni Premyer Wen Jiabao ng Tsina na sa bagong taon, dapat igiit ng Tsina ang nagsasarili at mapayapang patakarang panlabas at ang landas ng mapayapang pag-unlad at ang estratehiya ng pagbubukas para mapasulong ang pagtatatag ng may harmoniyang daigdig na may pangmatagalang kapayapaan at komong kasaganaan.

Winika ito ni Wen sa kaniyang Government Working Report na ginawa sa kauna-unahang regular na pulong ng bagong Pambansang Kongresong Bayan ng Tsina (NPC) na idinaos nang araw ring iyon. Sinabi niyang dapat magsikap ang Tsina para mapaunlad ang relasyon nila ng mga maunlad na bansa at komprehensibong mapalalim ang relasyong pangkaibigan nila ng mga kapitbansa nito, at dapat puspusang palakasin ang pagkakaisa at pagtutulungan nila ng mga umuunlad na bansa at aktibong isagawa ang multilateral na diplomasiya at pasulungin ang maayos na paglutas sa mga mainit na isyu at isyung pandaigdig.