Ipinahayag dito sa Beijing ngayong araw ni Ma Kai, Puno ng Pambansang Lupon sa Pag-unlad at Reporma ng Tsina, na nitong limang taong nakalipas, mabunga ang isang serye ng patakaran ng macro-control ng Tsina.

Idinaos nang araw ring iyon ng unang pulong ng ika-11 Pambansang Kongresong Bayan ng Tsina (NPC) ang preskon. Nang sagutin ang tanong ng mamamahayag, sinabi ni Ma na nitong limang taong nakalipas, mabilis at matatag na umunlad ang pambansang kabuhayang Tsino, at nananatiling 10% ang bahagdan ng paglaki ng kabuhayan nitong nagdaang limang taong singkad, at lumaki nang malaki ang kalidad at benipisyo ng takbo ng kabuhayan, at walang humpay na bumubuti ang estrukturang pangkabuhayan, at nakikinabang dito ang mga mamamayan. Aniya, ipinakikita ng mga ito na tumpak ang isinasagawang patakaran at hakbangin ng macro-control ng Tsina.

Salin: Li Feng