|
Ipinahayag kahapon sa Beijing ni Sun Xianze, opisyal ng Pambansang Administrasyon ng Pagkain at Gamot ng Tsina na mataas na pinahahalagahan ng kanyang bansa ang paggarantiya sa kaligtasan ng pagkain at gamot para sa Olimpiyada.
Ipinahayag ni Sun na yayariin ng Tsina ang mga pagkaing ipagkakaloob sa Beijing Olympics batay sa pinakamataas na pamantayang pandaigdig, isasagawa ang regular na superbisyon sa mga bahay-kalakal na magpoprodyus ng mga pagkaing ito, itinatag ang sistema ng pagsusuperbisa sa kaligtasan at pagbakas ng pinag-mumulan ng mga pagkain para sa Olimpiyada at pinalakas ang mekanismo ng pangkagipitang paghawak sa mga biglaang insidente ng pagkain.
Bukod dito, itinatag ng naturang administrasyon ang espesyal na namumunong grupo ng pamamahala sa analeptic at isinasagawa ang isang serye ng hakbangin para mapalakas ang pamamahala sa analeptic.
Salin: Sissi
|
