|
Lubos na pinapurihan kahapon ni Richard Kevan Gosper, pangalawang tagapangulo ng lupong tagapagkoordina ng International Olympic Committee, IOC sa Beijing Olympic Games ang malaking pagsisikap na isinagawa ng Beijing sa pagpapabuti ng kapaligiran at ipinahayag pa niyang walang problema ang kalidad ng hangin ng Beijing sa panahon ng pagdaraos ng Olympic Games.
Sinabi ni Gosper na naglaan ang Beijing ng 15 bilyong dolyares para mapabuti ang kalidad ng hangin, walang katulad ito sa kasaysayan ng Olympic Games. Ipinahayag din niyang nitong ilang taong nakalipas, kapansin-pansin ang bunga ng pagsisikap ng Beijing para mapabuti ang kapaligiran.
|
