|
Ipinahayag kahapon ni Hans Troedsson, kinatawan ng World Health Organization o WHO sa Tsina, na ang Hand, Foot and Mouth disease o HFMD na naganap kamakailan sa ilang rehiyon ng Tsina ay hindi makakabanta sa Olimpiyada na idaraos dito sa Beijing sa ika-8 ng darating na Agosto.
Sinabi niyang sa kasalukuyan, walang anumang ebidensiya na magpakita ng malawakang pagpapalaganap ng EV71 virus, pangunahing dahilan ng HFMD. Ipinalalagay niyang ang kalagayang epidemiko ay hindi magdudulot ng banta sa Beijing Olympics o anumang idaraos na akdibidad sa malapit na hinaharap. Isinagawa na aniya ng pamahalaang Tsino ang positibong hakbangin at nagbigay-alam ng kinauukulang kalagayan sa WHO.
Salin:Sarah
|
