|
Patuloy kahapon ang mga bansa at organisasyong pandaigdig sa pagpapahayag ng pakikiramay sa Tsina para sa naganap na malakas na lindol at ng kanilang pagkatig sa pagsisikap ng pamahalaan at mga mamamayang Tsino sa gawaing panaklolo.
Nag-utos si pangulong Gloria Macapagal Arroyo ng Pilipinas sa National Disaster Coordinating Council na ihanda ang grupong medikal para ipadala sa Tsina. Sinabi ni Anthony Golez, pangalawang tagapagsalita ng Malacanang, na ito ay isang pagganti sa mga nakaraang tulong ng Tsina sa Pilipinas sa panahon ng kalamidad.
Ang naturang mga bansa ay kinabibilangan din ng Hilagang Korea, Biyetnam, Kuba, Laos, Rusya, E.U., Singapore, Kambodya, Indya, Alemanya, Pransya, Australya, Zambia, Palestina, Timog Aprika, Mongolia, Thailand, Bangladesh, Timog Korea, Uraguay, Slovenia, Espanya, Chile, Serbiya, Tunisia, Netherlands, New Zealand, Britanya, Israel, Gresiya, Kanada, Iran, Poland, Hungary, Luxembourg at iba pa.
Ang mga organisasyong pandaigdig naman ay kinabibilangan ng Komisyong Europeo, Shanghai Cooperation Organization, Liga ng mga Bansang Arabe, World Bank, UN Security Council at iba pa.
Salin: Liu Kai
|
