Maalwang natapos ngayong araw ang Beijing Olympic torch relay sa Taizhou at Yangzhou ng Lalawigang Jiangsu sa silangang Tsina.

Ngayong araw ay ika-2 araw ng paghahatid ng sulo sa Jiangsu. Bago ang paghahatid, tahimik na nagluksa nang isang minuto ang lahat ng mga kalahok para sa mga biktima sa lindol sa Sichuan. Nag-abuloy din ang mga torch bearer at lokal na mamamayan bilang tulong sa gawaing panaklolo at rekonstruksyon sa nilindol na purok.

Isasagawa bukas ang torch relay sa Nanjing, punong lunsod ng Lalawigang Jiangsu.

Salin: Sissi