Magkakasunod na pumunta kahapon si Jia Qinglin, tagapangulo ng Pulitikal na Konsultatibong Kapulungan ng mga Mamamayang Tsino, sa Bayang Yingxiu, Lunsod ng Dujiangyan at Lunsod ng Guanghan na pinakagrabeng naapektuhan sa napakalakas na lindol sa Lalawigang Sichuan para suriin ang kalagayan at patnubayan ang gawaing panaklolo.

Sa naturang mga lugar, kinumusta ni Jia ang mga apektadong tao at mga sundalo, pulis, boluntaryo at iba pang tauhang kalahok sa gawaing panaklolo. Ipinahayag din niya ang pagbati sa mga bata para sa pandaigdig na araw ng mga bata.

Umaasa rin si Jia na patuloy na magsisikap ang buong lipunan ng Tsina para magbigay-tulong sa gawaing panaklolo.

Salin: Liu Kai