Natapos kaninang umaga ang unang araw ng Beijing Olympic torch relay sa Rehiyong Awtonomo ng Guangxi ng Tsina.

Ang paghahatid ngayong araw ay isinagawa sa Guilin, kilalang lunsod na panturista.

Bago ang paghahatid, tahimik na nagluksa nang isang minuto ang lahat ng mga kalahok bilang pakikidalamhati sa mga nasawi sa malakas na lindol sa Wenchuan ng Sichuan at aktibong nag-abuloy ng pondo ang mga torch bearer at iba't ibang sirkulo ng lipunan ng Guilin para sa nilindol na purok.

Mula bukas hanggang samakalawa, patuloy na isasagawa ang torch relay sa Nanning at Baise ng Guangxi.

Salin: Ernest