Humiling kahapon si Li Jiaxiang, direktor ng General Administration of Civil Aviation of China o CAAC, sa sektor ng abiyasyong sibil ng bansa na puspusang igarantiya ang seguridad at serbisyo sa Beijing Olympic Games.

Sa isang kinauukulang seremonya nang araw ring iyon, sinabi ni Li na ang pagkakaloob ng ligtas, maalwan, may-kaginhawahan at mabilis na serbisyo ng abiyasyon para sa Beijing Olympic Games ay pangako ng sektor ng abiyasyong sibil ng Tsina sa International Olympic Committee at ipapatupad ng naturang sektor ang pangakong ito.

Sa seremonyang ito, isinapubliko ng Beijing Capital International Airport ang pangako nito sa serbisyo para sa Olimpiyada.

Salin: Vera